"სათანადო დიაგნოზის დასმა ვერ შეძლო, რის გამოც, პაციენტი გარდაიცვალა..." - თბილისში ორ ექიმს პატიმრობა მიესაჯა

პროკურატურის ინფორმაციით, თბილისის საქალაქო სასამართლობ მშობიარე ქალის დაღუპვის საქმეზე ორი ექიმი დამნაშავედ ცნო.

როგორც ცნობილია, საუბარია 2018 წლის 10 აგვისტოს მომხდარ შემთხვევაზე. სამეანო-გინეკოლოგიური განყოფილება "ნინოს" მორიგე ბრიგადის ხელმძღვანელმა, ერთ-ერთ ექიმს, რომელსაც სახელმწიფო სერთიფიკატის მოქმედება შეჩერებული ჰქონდა, პაციენტის მეთვალყურეობა გადააბარა.

„მშობიარობის შემდგომ პაციენტის მდგომარეობა დამძიმდა, ლიცენზია-შეჩერებულმა ექიმმა ვერ შეძლო სწორი დიაგნოზის დასმა და სათანადო მკურნალობის ჩატარება, რის გამოც 2018 წლის 11 აგვისტოს პაციენტი გარდაიცვალა.

მორიგე ბრიგადის ხელმძღვანელს ბრალდება საქართველოს სისხლის სამართლის კოდექსის 116-ე მუხლის პირველი ნაწილით (სიცოცხლის მოსპობა გაუფრთხილებლობით), ხოლო მეორე პირს 246-ე მუხლის მეორე ნაწილით (უკანონო საექიმო  საქმიანობა, რამაც ადამიანის სიცოცხლის მოსპობა გამოიწვია) წარედგინა“, — აცხადებს პროკურატურა.