2023 წლის მარტში სისხლის სამართლებრივი დევნა 2 225 პირის მიმართ დაიწყო

სტატისტიკის ეროვნული სამსახურის მონაცემებით, 2023 წლის მარტში სისხლის სამართლებრივი დევნა დაიწყო 2 225 პირის მიმართ. აქედან გამოსაცდელი ვადის გასვლამდე დანაშაული ჩადენილია 154 პირის მიერ, რაც დევნადაწყებულთა 6.9 პროცენტს შეადგენს.

საქსტატის ცნობით, მიმდინარე წლის მარტში დევნის დაწყების ყველაზე მაღალი მაჩვენებელი - 764 შემთხვევა თბილისში ფიქსირდება. ამასთან, სამცხე-ჯავახეთში დაფიქსირებულია 54 შემთხვევა, ოკუპირებული აფხაზეთის რეგიონებში კი ოთხი შემთხვევა.

2023 წლის მარტში დევნის დაწყების მაჩვენებელი სსკ-ის კონკრეტული მუხლების მიხედვით ასე გადანაწილდა:

• ქურდობა - 417 შემთხვევა
• მუქარა - 262 შემთხვევა
• ოჯახური ძალადობა - 234 შემთხვევა
• ძალადობა - 178 შემთხვევა
• გაუპატიურება - 4 შემთხვევა
• თაღლითობა - 106 შემთხვევა
• ნარკოტიკული საშუალების, მისი ანალოგის ან პრეკურსორის უკანონო დამზადება, წარმოება, შეძენა, შენახვა, გადაზიდვა, გადაგზავნა ან გასაღება - 312 შემთხვევა
• ყალბი დოკუმენტების დამზადება - 139 შემთხვევა.