მეცნიერებმა ზღვაში ყველაზე ღრმად ბინადარი თევზი დააფიქსირეს - ახალი რეკორდი

იაპონიის სიახლოვეს, ზღვის სიღრმეში 8336 მეტრზე, მეცნიერებმა ფოტოზე ზღვის ლოკოკინა თევზი აღბეჭდეს. შედეგად, ის გახდა თევზი, რომელიც ამ დროისათვის ზღვაში ყველაზე დიდ სიღრმეშია გადაღებული.

BBC News-ის ცნობით, აქამდე ეს რეკორდი მარიანას ღრმულის მიდამოებში იყო დაფიქსირებული, 8178 მეტრის სიღრმეში.

იძუ-ოგასარავას ღრმულში მეცნიერებმა ავტომატური კამერა ჩაუშვეს, რომელმაც ზღვის ლოკოკინა თევზი ისეთ სიღრმეზე გადაიღო, რომელიც მეცნიერთა აზრით, მაქსიმუმია ნებისმიერი თევზისთვის არსებობისთვის.

„თუკი ეს რეკორდი მოიხსნება, ეს იქნება მხოლოდ მცირედით, ალბათ მხოლოდ რამდენიმე მეტრით“, — ამბობს დასავლეთ ავსტრალიის უნივერსიტეტის ღრმა ზღვის მეცნიერი, პროფესორი ალან ჯეიმსონი.

ეს ზღვის ლოკოკინა სახეობა Pseudoliparis-ის ახალგაზრდა წარმომადგენელი იყო. ოდნავ უფრო მაღლა, 8022 მეტრის სიღრმეზე, მეცნიერებმა სხვა რამდენიმე თევზიც გადაიღეს, რომლებიც სახეობა Pseudoliparis belyaevi-ს ეკუთვნოდნენ.