მეცნიერება აღტაცებულია, დედამიწაზე უნიკალურ აღმოჩენას მიაგნეს 50 000 წლის წინანდელი ნეანდერტალელების ძვლებში

რატომ ამოწყდნენ ნეანდერტალელები და რანაირად გადარჩნენ ადამიანები — ეს ჩვენი სახეობის ისტორიის ერთ-ერთი უდიდესი კითხვაა. უკვე დიდი ხანია, მეცნიერებს აინტერესებთ, დანებდნენ თუ არა ჩვენი უახლოესი, გადაშენებული ნათესავები იმ ვირუსულ ინფექციებს, რომლებიც დღეს თანამედროვე ადამიანებსა გვტანჯავს.

ამ თეორიას მტკიცებულებები მწირად ჰქონდა და პირველად მკვლევრებს 2010 წელს გაუჩნდათ. ახლა ის უფრო მეტად შესაძლებელი ჩანს, რადგან რუსეთში, ჩაგირსკაიას მღვიმეში აღმოჩენილ 50 000 წლის წინანდელ ნეანდერტალელის ძვლებში უძველესი ვირუსული დნმ აღმოაჩინეს.

ნეანდერტალელთა გაქრობაში რომ ინფექციურმა დაავადებებმა წვლილი შეიტანა, მეცნიერები აქამდეც ვარაუდობდნენ, ძირითადად იმ ვირუსულ და ბაქტერიულ გენომებზე დაყრდნობით, როცა ამ პათოგენებმა ადამიანები პირველად დააინფიცირეს — იმდენი ხნის წინ, რომ ადამიანებს ისინი აფრიკიდან უნდა წამოეღოთ და ევროპაში ნეანდერტალელებისთვის გადაეცათ.

მეორე მხრივ, მეცნიერებმა მათემატიკური მოდელები გამოიყენეს, რათა მოეხდინათ ჰომო საპიენსსა და ნეანდერტალელებს (H. neanderthalensis) შორის დაავადებათა გავრცელებისა და მათი სხვადასხვა იმუნიტეტის სიმულაცია.

თუმცა, უძველესი დნმ-ის ნიმუშების მოპოვება და გაშიფვრა (სეკვენირება) ზედმეტად რთულია, რადგან ათეულობით ათასი წლის განმავლობაში დაშლილი და დაზიანებულია; შესაბამისად, თითქმის არ არსებობდა მტკიცებულება, რომ ნეანდერტალელები დაინფიცირდნენ პათოგენებით, რომლებიც დღეს ჩვენში ჩვეულებრივ დაავადებებს იწვევს, მაგრამ მათთვის სასიკვდილო იყო.

წყარო: 1tv.ge, მიხეილ ჭაბუკაშვილი